100 Dagar

Info

Festivalen og musikkbransjetreffet 100 Dagar vert arrangert kvart år i januar–februar. 100 Dagar er ein nettverksarena for festivalleiarar på Vestlandet, og samstundes eit knutepunkt for ambisiøse musikarar frå regionen som får høve til å spele.

Historie

100 Dagar startar opp igjen som stifting med eit endå skarpare fokus på festivalar og nye talentfulle artistar!

Musikkfestivalen 100 Dagar var i fare for å bli lagt ned, men eit sterkt ønske frå festivalane som har delteke, sponsorar som har sett verdien av arrangementet og eit trufast publikum har gjort at 100 Dagar har gjenoppstått som stifting med eit solid styre som skal ta musikkfestivalen og bransjetreffet vidare.

Musikkfestivalen starta som eit nedteljingsarrangement for Stordfest 2007 og var ei markering av at det var 100 Dagar til festivalen starta. Etter eit opphald i 2008 har festivalen vore arrangert kvart år og fleire festivalar frå vestlandet har blitt invitert med og fleire band har meldt seg på.