Bømlo kommune

Info

Driftige folk i vakker natur!
http://www.bomlo.kommune.no/
Kundetorget 53 42 30 14 - Teknisk kundetorg 53 42 30 30

Historie

Dette er Bømlo kommune si offisielle Facebookside. Her vil me gjerne dele det som skjer i kommunen, og vonar du får nytte av informasjonen. Kundetorget og Teknisk kundetorg vil gjerne hjelpe deg om det er noko du lurer på.

Spørsmål/kommentarar på denne sida vert ikkje journalført i kommunen sitt arkivsystem. Hugs difor at du ikkje kan rette offentlege førespurnadar hit som kan bli del av ei saksbehandling.

Me gjer merksam på at innlegg som er støytande, sjikanerande, rasistiske eller som trør over grensa for personvern vert sletta. Kommunen sin facebookvegg er heller ikkje staden for reklame for kommersielle produkt og tenester.

Har du klager, spørsmål eller vil snakka med ein saksbehandlar - vennligst send ein e-post til [email protected], ring Kundetorget på tlf. 53 42 30 14 eller Teknisk kundetorg tlf. 53 42 30 30.

Vil du ha kontakt direkte med ein saksbehandlar eller verksemd, så finn du alle telefonnummer på heimesida vår: www.bomlo.kommune.no.

Postadressa vår er: Bømlo kommune, Leirdalen 1, 5430 Bremnes.

Øya vår
Bømlo kommune er ein godt utbygd øykommune i Sunnhordland med ca. 11.800 innbyggjarar. Kommunen er landfast via Trekantsambandet. Bømlo har allsidige service- og kulturtilbod, gode fritidstilbod, vakker og variert natur og gode kommunikasjonstilhøve. Kommunen sitt administrasjons-, handels- og kommunikasjonssenter ligg på Svortland. Kommunen har om lag 800 tilsette.

Bømlo har til saman over 1 0...00 større og mindre øyar. Du er aldri langt frå sjøen på Bømlo, med Nordsjøen som næraste nabo. Flateinnhaldet i kommunen er 247 km2. Busetnaden er spreidd, med heile 5 tettstader.

Det maritime miljøet pregar næringslivet. Sjøen er også ein viktig faktor for reiselivsnæringa, der skjærgarden lokkar med holmar og øyar, lune vikar og kanalar. På Bømlo finn ein vekslande natur, frå det karrige landskapet ytterst mot havet, til meir frodige område.

Frå Siggjo (474 m.o.h.), den høgaste fjelltoppen, er det utsyn frå Folgefonna i aust til Haugesund i sør, og dette populære turmålet har har vore og er eit kjent landemerke.