Bø Museum

Historie

Bø Museum ligg på Oterholt om lag to km frå Bø sentrum. Her finn du folkemusikk og telemarkskultur. Her lét hardingfela ofte både innomhus og utandørs. På vakre Kvennøya i Bøelva kan det hende at du får oppleve ei eventyrstund om du kjem forbi. Ein dag på Bø Museum inneheld både natur- og kulturopplevingar. Oterholt var den første handelsstaden og bygdesenteret i Bø. Landhandelen Åheim frå 1898 er komplett med pakkbu, eldhus og bustad. Frå gamalt av blei staden kalla ”tatergata”, her var folkeliv, handel og vandel.
Faste utstillingar på Bø Museum er hardingfeler, felemakarverkstad, folkedrakter, handverk m m. På museumsområdet ligg også Åsestugo, eit vakkert 1700-talshus med rosemåla interiør. Kvennøya er ein del av museet og her finn du husmannsplass med stugu, fjos, lugu, badstugu og smie. Kvennøya blei kåra til det viktigaste friluftsområdet i Bø kommune i 2007 og er kommunen sin tusenårsstad. Like ved er det badeplass og fiskemoglegheiter.

"Bø Museum ligg ved Bøelva på Oterholt. Området går ned forbi oterholtfosse der det er bru over til Kvennøya som er ein del av museumsområdet. Det går vidare sti ned til Hellos der dei kjende felemakerane i Helland/Steintjønndalen helt til. Stien går vidare ned til Folkestadbrua og ned til vegen til Valen og Hørte."