Birkeland Camping i Hyllestad kommune
Birkeland Camping vart starta i 1968 av Gunvor (Gulli) og Bjarne Hansen. Dei overtok plassen frå naboen som ikkje hadde lyst å drive lenger. Campingplassen vart eit fint tilskot til gardsdrifta i den tida det var minst mjølk. Først bygde dei sanitærbygg og to campinghytter. Dei første åra var det mest teltturistar frå Norge og dei andre nordiske landa. Etterkvart kom Kombicampen og folk kunne sove over bakkenivå. Det vart status med Kombicamp. Utover på åttitalet auka etterspurnaden etter campinghytter, og dei bygde ei hytte til. I dag kjem turistane frå heile Europa både med bubilar og på sykkel. Syklistane skal nordover, anten til Trondheim eller vidare til Nordkapp. Dei er nøgde berre dei får seg ein varm dusj og ei seng. Fiske i vatn og sjø har alltid vore populære aktivitetar. Turistane set stor pris på den fine naturen, roturar på vatnet, fjellturar og stilla. Dei som er interesserte i fjellklatring kan boltre seg i fjellveggen på Foss i Leirvik. Fleire kjem attende år etter år og har vorte gode vener av heile familien.
Legg til dette kortet på nettstedet ditt;
Vi bruker informasjonskapsler og annen sporingsteknologi for å forbedre din nettleseropplevelse på nettstedet vårt, for å vise deg personlig innhold og målrettede annonser, for å analysere nettstrafikken vår og for å forstå hvor våre besøkende kommer fra. Personvernregler
