Bygland frivilligsentral

Historie

Bygland frivilligsentral starta opp i februar 2010. Lokala er flotte, den gamle prestegarden har tre stuer, to av dei er i bruk av oss, og kjøkken og kontor.
Sentralen er og lokale for vaksenopplæringa i Bygland.
Mandag har vi leksehjelp på sentralen. På Byglandsfjord arrangerer me open dag for seniorar, med matservering og aktivitetar.
Kvar mandag klokka 16.00 er det Teppebowls i Byglandshallen. Teppebowls liknar noko på boccia berre med litt høgare vanskelegheitsgrad. Dette er allikevel noko alle kan klare. Ein går i hop på lag, og konkurrerar med kvarandre, og etterpå tek me ein kopp kaffi.
Tysdagar har me bokcafe på pakkhuset på Byglandsfjord, og bingo om kvelden annankvar veke på Sentralen.
Me er i gong med å etablere datakafe.
Torsdag har vi kafe kl. 11 på sentralen. Deretter har me trening for senioarar i Byglandshallen med påfølgande cafe.
Hyggelege formiddagstreff på Byglandsheimen annankvar veke har vi og.
1 onsdag i månaden arrangerer me handletur til Evje, i hop med Byglandheimen.
Vi har fem frivillige sjåfører som køyrer ut middag to dagar i veka til eldre i kommunen. Frivillige følger folk i drosje til sjukehus, røntgen, tannlege, frisør o.l. Vi er blitt med i lyttevenprosjektet, der eldre er med i 3. klasse og høyrer elevane lese høgt.

Bli med da vel - som frivillig eller deltagar!

"Hos BUA Bygland kan du låne sports- og fritidsutstyr heilt gratis!Du kan sjå kva vi har når du trykker vidare på "Finn Utstyr". Du kan sjølv reservere det du vil låne, men me kan også leggje til rette for dropin, dersom me har ledig utstyr inne.Etter at du har reservert utstyr og laga deg ein bruker, kan du ta kontakt med vår vakttelefon for å avtale henting. Vi svarar på telefon alle ettermiddager mandag- fredag frå 15.30-20, og laurdag 10-12.Merk: telefonen er bemanna av frivillige, difor kan det ta noko tid før du får svar.Det er viktig at du leverer utstyret tilbake i rett tid, slik at flest mogleg får låne."