Fjord- og Fjelldraumar tilbyr opplevingar og overnatting i vakker verdsarvnatur i Undredal.
Fjord-og Fjelldraumar er eit fersk føretak som startar opp sommaren 2016. Den held til i den vesle bygda Underdal i Indre Sogn, nærare bestemt på garden Reina rett ved Underdal stavkyrkje. Her jobbar eg, Anna Elise Borlaug, på garden i lag med foreldra mine. Eg er odelsjente, og har etter kvart funne ut, at for meg er det ikkje noko anna alternativ enn å bu i Underdal. Me er i dag ein av fire gardar som driv med geit i bygda, og er med på Undredal Stølsysteri der me lagar både brun og kvit geitost.
Fjord-og Fjelldraumar er eit familieføretak, der dei fleste er med å bidra, men det vil i hovudsak vere eg som driv arbeidet. Noko av grunnen til at eg vil starte med turisme, er at eg ynskjer å bruke garden og det fantastiske området rundt til å glede andre, og vere med å løfte bygda som reisemål. Eg ynskjer etterkvart å tilby ulike turar, aktivitetar og overnattingar i Underdal. Her skal det vere noko for alle, uansett alder og fysiske føresetnadar. Anten det er høgt til fjells eller i den koselege bygda vår vil eg vise det som for meg er det finaste ved Underdal.
Målet er å kunne gje folk moglegheit til å oppleve det beste av Underdal, enten ein vil ha det vilt og litt ekstremt, ekte og opphavleg eller komfortabelt og lett tilgjengeleg.
Opplevingar og overnatting i Undredal
Legg til dette kortet på nettstedet ditt;
Vi bruker informasjonskapsler og annen sporingsteknologi for å forbedre din nettleseropplevelse på nettstedet vårt, for å vise deg personlig innhold og målrettede annonser, for å analysere nettstrafikken vår og for å forstå hvor våre besøkende kommer fra. Personvernregler
