Hellisøy Fyr

Info

Fyret vart tent i 1855. Det karakteristiske støypejernstårnet har ei høgd på 33 meter og ei lyshøgd på 46 meter over høgvatn.

Fyret er ope etter avtale.

Historie

Hellisøy Fyr ligg nært opp til hovedøya, men er ikkje landfast. Fyret vart tent i 1855. Det karakteristiske støypejernstårnet har ei høgd på 33 meter og ei lyshøgd på 46 meter over høgvatn.
Historia om tårnet:
Dette fyret var det andre støypejernstårnet som vart bygd i Noreg. Den nedste delen var levert av Bærums verk, og den øvre delen av Horten Mekaniske Verksted. Sjølve fyrtårnet er bygd av 1-toms jernplater og er fora med 35000 murstein. Dei to nedste etasjane er så å seia fyllte med stein. Det var eit stort prosjekt og opptil 95 mann arbeidde på fyranlegget i byggeperioden.
I 1954 vart fyret elektrifisert med straum frå land. I januar 1989 vart Hellisøy fyr automatisert, men på grunn av dei meterorologiske observasjonane vart ikkje fyret nedbemanna før i 1992.
Fyrvaktarbustaden
Det vart og bygd bustadhus for fyrvaktaren og familien hans, og til "fyrkarlen". Denne bustaden brann ned i 1902, og året etter vart det oppført to nye hus, eitt til fyrvaktaren og eitt til fyrvaktarassistenten. I mange år heldt dei eit par kyr og sauer her ute. Det vart og oppretta meteorologisk stasjon 1924, men denne tenesta er no automatisert.
Fyrmeisterbustaden vart modernisert og ombygd i 1968, og det vart innreidt hyblar og fellesrom.




UTLEIGEPRISER: LEIGE AV FYRVOKTARBOLIGEN KR 1650,- pr. døgn for to personar. pluss 165,- pr pers over.dette
Fyrboligen inneheld 10 sengeplassar.
Skyss fram og tilbake: 275,-
Omvisning i fyret: 500,-
Leige av båten, medan ein leiger bustaden: 550,-

Spørsmål angåande utleige, skyss og omvisning ta kontakt på [email protected] eller ring 90941826 (Silje) eller 92018131(Monica)




Mvh
Oss på Fyret
Hellisøy fyr
Fedje