Lensmannsstova

Info

Selskapslokale for til dømes konfirmasjon, barnedåp eller bursdagar. Intimkonsertar og kurs. Fine turområder og fasilitetar i flott natur. Overnatting.

Historie

Huset kan brukast til selskapslokale for til dømes konfirmasjon, barnedåp eller bursdagar. Kjøkkenet er nytt og av høg kvalitet med industrivaskemaskin, dampovn og steikovn. Det er godt egna til koldtbord og vi kan servere inntil 30 personer.

Av våre spesialitetar kan vi nemne at vi flår, saltar og tørkar saudehovud - «saudehaud» - etter god gammal oppskrift. Dette servert i ei god og lun atmosfere, saman med kokt med poteter og kålrotstuing, smakar nydeleg. Med svigermors tynnesveler til dessert er alt fullkome!

"Lenssmannsstova er eit gamalt tømmerhus frå 1890. Huset er nyleg pussa opp og restaurert til sin opphavlege stil, og representera ei gamal historie. Huset har fine salar som egnar seg godt for selskap og intimkonsertar. I tillegg er det mogeleg for overnatting for inntil ti personar. Huset ligg i storslått sunnmørsk natur, med gode moglegheiter for korte og lange turar både til fots og på ski. Sunnmørsalpane med spektakulære Hornindalsrokken, Kvitegga, Slogen, Saksa og Skruven ligg mellom 2-30 minutt i kjøring med bil frå garden."