Oselvarverkstaden

Info

The knowledge stored in the minds of the craftsmen at Oselvarverkstaden is probably the most complete tradition preserved for any of the existing clinker boat types of Northern Europe.

Historie

Oselvaren er ein svært gammal båttype, og gjennom dei par siste hundreåra har han vore den mest brukte småbåten på Hordalandskysten, både til fiske og transport. Utviklinga siste hundreåret har gjort at han er vorten ein rein fritidsbåt, og Oselvaren vart sommaren 2009 kåra til Noregs Nasjonalbåt! Båtbyggjartradisjonen er ubroten i Os i alle fall dei siste 250 åra, og heile den opparbeidde kunnskapen knytt til båtbygginga er såleis intakt. I 2016 vart Oselvaren og oselvarkulturen ført opp på UNESCO si verneliste over immateriellkulturarv.

Vår oppgave

Verkstaden byggjer oselvarbåtar på bestilling, reparerer båtar og tek på seg konsulentoppdrag som har med dokumentasjon og vurdering av båtar å gjera. Verkstaden har no 1,5 - 2 års leveringstid for nye båtar, og eit par månaders ventetid på større reparasjonar.

Produkter

Færingar på 9 alner (5,10 m), 9 1/4, 9 1/2 og så vidare til 11 alner (6,20 m). Seksæringar frå 11 til 13 alner. Også større båtar kan byggjast. Reparasjon av oselvarar og andre små trebåttypar.

"Oselvarverkstaden, som ligg ved Oselvo i Os sentrum, skal ta vare på kunnskap om bygging, bruk og reparasjon av Oselvarbåten. Bjørnafjorden kommune og og Vestland fylkeskommune gjer tilskot til drifta, på denne måten kan dei tilsette på verkstaden bruke tida si på båtbygging, kunnskapsoverføring og tileigning. Vi er open for publikum og held omvisning for privatpersoner, grupper og skuleklassar."