Sjøtunet

Info

Hytteutleige, båtutleige, guida båtturar, sal av kjøtt, bringebær, plommer, skinn og andre lokale produkt.

Historie

På Rykkje, 5 km frå Øystese sentrum, ligg Sjøtunet med Pakkhuset, Sjøloftet og Naustet, tre fullt utstyrte utleigeeiningar. Idylliske omgjevnader på ein fruktgard ved Hardangerfjorden.
I Øystese og Norheimsund er det butikkar, hotell og restaurant. Avstand til Bergen er 85 km, om lag 1,5 time med buss eller bil.

Hyttene har utsikt over fjorden, eigen avskjerma uteplass og moglegheit for leige av båt og fiskeutstyr.

Tilgang på plommer og bringebær i sesongen, kjøtt og skinn frå eigne dyr kan kjøpast heile året.

Plassen er bygd som handelsplass i 1850, med småbruk i tillegg. Frå 1945 var hovudnæringa veksthus med tomat, agurk og blomsterproduksjon. I dag driv vi med sau, kalvar, bringebær, plommer og utleigehytter, sal av eigne produkt og kurs- og selskapslokale.

Ein del av småbruket vårt ligg på Kvamsøy der sauene beiter vår og haust, og der mesteparten av vinterforet vert hausta.

"Sjøtunet er eit allsidig småbruk ved fjorden i Hardanger som har vore drive av familien Storaas gjennom 140 år og fem generasjonar. Her kan du bo i usjenerte sjøhyttar med utsikt på fjord, fjell og fonn.Rytmen i tunet blir prega av sesongane, og kvar sesong har sin sjarm. Me ønskjer deg velkommen heile året. Anten du vil oppleva fruktblomstring og lam på vårbeite, reise på eventyr på fjorden ein lys sommarkveld, ha eit utgangspunkt for fotturar frå fjorden til haustfjellet eller ein lun base for skiturane i vinter. I Sjøtunet finn du alt saman."