Spanskkurs på Voss
Nybegynnarkurs i spansk
Vil du læra spansk på ein morosam og motiverande måte? Eller kanskje du har lyst å lære litt meir om latinamerika og folka der? I 2015 starta eg opp eit tilbod her på Voss, for folk i alle aldrar som hadde lyst å lære seg spansk. No har det gått ei tid og eg har på denne tida blant anna fullført ein bachelorgrad i spansk.
Namnet mitt er Hilde, eg er 35 år frå Voss. For tida jobbar eg på Voss ungdomsskule som allmennlærar, eg underviser ungdommane i blant anna spansk og norsk. Eg lærte spansk i Ecuador og har bachelor i spansk språk og latinamerikastudier frå Universitetet i Bergen. Tidlegare har eg blant anna reist til Cuba, Peru, Chile, Spania, Costa Rica og Peru. Gjennom åtte år som spansklærar har eg gjort meg nokre erfaringar om kva som gjev gode resultat når det gjeld læring av språk. I denne tida har eg utvikla nokre metodar og aktivitetar som skal fremje det at alle tør å snakke. Eg legg vekt på varierte og motiverande timar, og prøver å leggje til rette slik at eg «treff» alle slags læringsstilar. No ynskjer eg å få med fleire til å lære dette vakre og nyttige språket.
Innhald nybegynnarkurs:
Variert undervising med fokus på munnlege aktivitetar
Grunnleggjande grammatikk og uttale
Ord og uttrykk knytt til det å kunna fortelje om seg sjølv, familie og andre
Tal, vekedagar, retning, klokka, prisar, mat og drikke
Korleis stille enkle spørsmål, svare, bestille, lage ein avtale og føreslå noko
Lese, lytte og oversette enkle tekstar
Skrive enkle tekstar
I tillegg til undervisninga ynskjer eg å invitere alle deltakarane til tre filmkveldar i min eigen heim. Då vil eg vise nokre spansktalande filmar frå latinamerika som har gjort inntrykk på meg.
Elles kjem eg til å leggje ut lenkjer til interessante og motiverande læringsressursar på nett. Tips til spanske songar, spanske filmar og seriar. Kurset ynskjer eg å halde onsdagar. Det vert økter på ein og ein halv time, det vil seie 8 undervisningskveldar til saman.
Pris: 2000,- Max 5 deltakarar per kurs
Noko studiemateriell, tips til nettressursar er inkludert i prisen.
Med vennleg helsing Hilde Klette
Legg til dette kortet på nettstedet ditt;
Vi bruker informasjonskapsler og annen sporingsteknologi for å forbedre din nettleseropplevelse på nettstedet vårt, for å vise deg personlig innhold og målrettede annonser, for å analysere nettstrafikken vår og for å forstå hvor våre besøkende kommer fra. Personvernregler
