Sunnfjord Kunstlag

Info

Sunnfjord kunstlag vart skipa i 1975 og har som føremål å fremje interesse og forståing for bildande kunst og kunsthandverk.

Historie

Sunnfjord kunstlag vart skipa i 1975 og har som føremål å fremje interesse og forståing for bildande kunst og kunsthandverk.

Det skjer i fyrste rekke ved å arrangere utstillingar, men og gjennom samarbeid med andre kunstlag, kunstnarar, føredragshaldarar og kulturorganisasjonar.

Laget har gjennom åra bygd opp ei god samling av kunst, kjøpt inn frå kunstnarar som har stilt ut i Sunnfjord kunstlag. Kunst frå denne samlinga kan leigast av medlemer til laget.

Kunstlaget har etablert eit godt samarbeid med Førde kommune og Førdehuset, der laget sine utstillingar til vanleg vert arrangert. Likeeins har laget godt samarbeid med Sogn og fjordane kunstmuseum når vi skipar til den årlege Vestlandsutstillinga i kunstmuseet sine lokale.

Som medlem i kunstlaget får du informasjon om aktivitetar i laget, og andre relevante tilskipingar i lokalmiljøet. Du vert invitert, og har gratis tilgang, til utstillingar og andre tilskipingar i regi av laget. Du er med å støttar drifta i laget.

Sunnfjord kunstlag er medlem i Norske Kunstforeninger.