Hardanger fartøyvernsenter

Info

Museumsverft med båtbyggjarar, reipslager og smed.

Historic preservation shipyard and maritime museum - with boatbuilders, blacksmiths and ropemakers.

Historie

Hardanger Maritime Museum is an historic shipyard and museum with open workshops. One of 3 national centres for boat preservation.

Hardanger fartøyvernsenter er eit maritimt museum som legg vekt på at gjestande skal få sjå handverkarane i arbeid. Alle verkstadane (smie, reiparbane, båtbyggjarverkstaden og retaureringsverft) er ope for besøkande. Som gjest kan du prøva dine eigne ferdigheiter i små verkstader.

Opningstider
Mai-august alle dagar 10-17
September-april tysdag-fredag 10-14
Me held ope for grupper også utanom vanleg opningstid. Ta kontakt for avtale.

Aktivitetar
Aktivitetsløypa og utleige av robåtane våre utfordrar sansane og ferdigheitene dine og gjer besøket hjå oss aktivt og kjekt. Du finn utstillingar og bildespel med kulturhistoriske tema.

Kafé
I den trivelege kafeen med utsyn mot hamna kan du slappe av med vår heimebakst og ein god kopp kaffi eller te.

Nasjonalt kompetansesenter innan maritime fag
Hardanger Fartøyvernsenter er eit nasjonalt kompetansesenter for fartøyvern og mellom dei største fagmiljøa for restaurering av båtar og fartøy i Norden. Me fokuserer på handverk og handverkskunnskap i det museale arbeidet vårt. Senteret eig og driv fleire større fartøy. Norheimsund sentrum og fartøyvernsenteret er knytt saman gjennom strandpromenaden.

Utmerkingar
Norsk Kulturarv har gitt Olavsrosa til både Fartøyvernsenteret og Mathilde. Det tyder at me her kan tilby ei oppleving rotfesta i den norske kulturarven.

Prisar
Vaksne kr 90,-
Born 7-15 år / studentar kr 50,-
Familiar kr 190,-
Sesongbillett kr 190,-
Sesongbillett familie kr 320,-
Fellesbillett HVM kr 190,-

Gruppepris pr pax kr 80,-