Sommarljom

Info

Ein unik festival i hjartet av Ørsta sentrum!

Historie

Ein unik festival i hjartet av Ørsta Sentrum!

Operasongaren Karen Rosenberg Olsen og jazzkontrabassist Audun Ellingsen frå Ørsta fekk i 2011 ideen om å lage til ein konsert då dei var heime i Ørsta på sommarferie. Dei fann ut at Kunsthuset i Ørsta sentrum var eit ypperleg konsertlokale. Opplevinga freista til gjentaking og i 2012 fekk dei med seg fire musikarar, alle frå Ørsta og Volda.

Frå å gå frå to sjølvfinansierte konsertar med stor suksess i 2011 og 2012, vert det i år ein festival over 2 dagar der den kunstnarlege og musikalske standarden er på eit særs høgt nivå.

Namnet Sommarljom kom då publikum i fjor vart spurde om å tenkje ut forslag til kva denne festivalen kunne heite. Ordet «ljom» kan forklarast som ein «kraftig, vedvarande gjenklang, f. eks. mellom fjellveggar» og det ynskjer me å vektlegge, det akustiske og resonante og tilknytninga til naturen.

I grunntanken for festivalen ligg eit djupt ynskje om skape eit møtepunkt mellom utflytta og "heimebuande" ørstingar og at dette kan vere ein måte å skape liv og røre i sentrum på, blant anna ved å bruke dette kjernebygget i Ørsta sentrum som eit litt utradisjonelt konsertlokale.

Program 2013:

Torsdag 25/7:
Opning med Karen Rosenberg Olsen & Audun Ellingsen
Stig Ulv m/ live illustrasjon av Egil Olsen
Birte Slettevoll m/ band (Idun Bergem Lia, Kristina Sundnes & Henrik Dalen)
Hans Martin Austestad
Tore Hovde, Audun Ellingsen & Runar Gudnasson

Fredag 26/7
Karen Rosenberg Olsen med pianist Edmundas Lapenas & dansar Solveig Styve Holte
Hityamac (Torkjell Hovland, Torgeir Standal & Henrik Koppen)
Anna Elise Vadset m/band (Ole Kristian Klepp Nilsen, Øystein Egset og Øyvind Robak)
Audun Ellingsen solo
Kontrabassfest!!! (Audun Ellingsen, Torkjell Hovland & Henrik Sandstad Dalen)
Egil Olsen
Felles avslutningsnummer