Sunnmøre kammermusikkfestival

Info

Sunnmøre kammermusikkfestival

Historie

Plagge og Follesø har kvart år ansvaret for programmet, og handplukke musikarane som skal opptre for å sikre kvaliteten på festivalen. I eit nært samarbeid med Høgskulen i Volda er føremålet å arrangere ein årleg kammermusikkfestival på Søre Sunnmøre, kor befolkninga kan få eit tilbod om gode musikkopplevingar på høgt nivå.

I tillegg til dette ønskjer vi å stimulere unge musikarar, for å få ein generell vekst og ei utvikling i musikklivet i regionen, på den måten skil Sunnmøre Kammermusikkfestival seg ut i frå andre kammermusikkfestivalar. Gjennom Eiksundsambandet kan dei ulike kulturskulane og andre lokale musikkrefter knyte saman regionen. Dette skal vi gjere gjennom eit samarbeidsprosjekt med dei ulike kulturskulane i form av seminar og meisterklassar retta mot born og unge. Artistane som er med under festivalen vil bidra med undervisning av lokale talent. Det vil også vere kurs og inspirasjonsseminar for kulturskulelærarar.